Почнува М15 меѓународен тениски турнир во Скопје
- На терените на тенискиот клуб Југ денес почнува интернационален M15 тениски сингл турнир за мажи со награден фонд од 15.000 долари.
![Почнува М15 меѓународен тениски турнир во Скопје](https://new.mia.mk/images/20221113154941_big_730x400_77.webp )
Скопје, 13 јуни 2022 (МИА) - На терените на тенискиот клуб Југ денес почнува интернационален M15 тениски сингл турнир за мажи со награден фонд од 15.000 долари.
Ова е вториот тениски турнир кој во краток период се одржува во Скопје, по M25 турнирот кој се одржа од 6 до 12 јуни.
Квалификациите за турнирот започнаа на 12 јуни и во нив земаа учество тенисери од различни земји. Во компетитивниот дел од турнирот, кој започнува утре (14.06), учествуваат 32 натпреварувачи.
- На ITF М15 турнирот во Скопје ќе бидат натпреварувачи од Бразил, Тунис, Шведска, Романија, Грузија, САД и многу други земји од светот. Домашната гордост ќе ја бранат добро познати тениски имиња, како Томислав Јотовски и Стефан Мицов кои учествуваат во квалификациониот дел од турнирот.
Овој M15 турнир е вториот од трите турнири кои ќе го одбележат „Тениското лето“ во Скопје. И покрај тоа што минатата недела беше врнежлива, M25 турнирот помина одлично, предизвика голем интерес и понуди многу квалитетни натпревари, соопштија од Тениската федерација на Северна Македонија.
За месец јули е закажан и женскиот турнир „Billie Jean King Cup“ за регион Европа и Африка, Група 3. На него ќе учествува и најдобрата македонска тенисерка на сите времиња, Лина Ѓорческа. зс/