Почна дистрибуцијата на новите учебници за основно образование
- Министерството за образование и наука информира дека вчера почнала испораката на новите учебници за прво, второ, четврто и петто одделение во основното образование и дека ќе се заокружи во сл
![Почна дистрибуцијата на новите учебници за основно образование](https://new.mia.mk/images/20221128063940_big_730x400_78.webp )
Скопје, 18 ноември 2022 (МИА) - Министерството за образование и наука информира дека вчера почнала испораката на новите учебници за прво, второ, четврто и петто одделение во основното образование и дека ќе се заокружи во следните две недели.
- Станува збор за 52 учебника изработени согласно нови наставни програми и напишани на сите јазици на кои се изведува наставата во основните училишта во државата - македонски, албански, турски, српски и босански јазик. Тие ќе ги заменат наставните материјали кои ги користат најмалите ученици, а ја обработуваат материјата за првото тримесечје. Веднаш по овој приоритет, продолжува печатењето на повеќе нови учебници за средното стручно образование, соопшти Министерство за образование и наука.
Од почетокот на 2022/2023 година учениците од прво, второ, четврто и петто одделение користат материјали за учење во кои се разработени содржини за првото тримесечје од учебната година. хс/сп/
![нови учебници 2](/articles/images/d0bfd0bed187d0bdd0b0-d0b4d0b8d181d182d180d0b8d0b1d183d186d0b8d198d0b0d/tUdR0Llid/placeholder.webp?use_watermark=0)