Почина Спасе Вурмо, голем македонски активист во Албанија
- Во шеесет и шестата година од животот, синоќа во село Туминец, Мала Преспа, почина Спасе Вурмо, голем македонски активист во Албанија.
![Почина Спасе Вурмо, голем македонски активист во Албанија](https://new.mia.mk/images/20221114020121_big_730x400_56.webp )
Тирана, 1 ноември 2022 (МИА) - Во шеесет и шестата година од животот, синоќа во село Туминец, Мала Преспа, почина Спасе Вурмо, голем македонски активист во Албанија.
Спасе беше долгогодишен активист и борец за правата на Македонците во Албанија.
Од самото формирање беше член на друштвото „Преспа“, организација за заштита на правата на Македонците во Албанија, како и на партијата Македонска алијанса за европска интеграција.
![Спасе Вурмо](/articles/images/%d0%bf%d0%be%d1%87%d0%b8%d0%bd%d0%b0-%d1%81%d0%bf%d0%b0%d1%81%d0%b5-%d/qNzJx5xW8/placeholder.webp?use_watermark=0)
- Спасе беше почитувана личност во Преспа и даде голем придонес во афирмација на Македонците во Албанија. Длабоко и искрено сочувство до фамилијата, напиша Васил Стерјовски претседател на МАЕИ, објавувајќи ја веста.
Погребот е денеска во 12 часот на селските гробишта во село Туминец, општина Пустец. вт/мд/