Тетово, 5 декември 2020 (МИА) - Зрно грав како уметничка инсталација е поставена во тетовско Теарце од страна на Центар за едукација и развој“ (ЦЕД) организатори на традиционалната манифестација „Денот на гравот“. Годинава поради пандемијата манифестацијата не се одржа, па оваа активност е во насока на одржувањето на традицијата.

- По 10 години имплементација на традиционалната манифестација „Ден на гравот”, ЦЕД со поддршка на стратешкиот партнер Центар за современи уметности (ЦСУ) во знак на почит и одржување во живот на оваа традиција и почитувајќи ги мерките за Ковид-19  на јавен простор, постави уметничка инсталација на зрнце на „Тетовско Гравче“, изработена од идеаторот Љубиша Камењаров. Настанот започна како идеја и иницијатива на клучните луѓе на ЦЕД и ЦСУ Скопје, и има за цел да ги зачува заедничките вредности и да ги промовира културните активности во регионот, инфомираат од ЦЕД.

Во септември 2019 се одржа јубилејно 10-то издание на манифестацијата „Денот на гравот“ во тетовско Теарце. Оваа манифестација има за цел промоција на најпознатиот земјоделски производ во регионот како и етно-културната разлноликост на подрачјето. ас/фф/