Поставени мерачи за мерење на квалитетот на воздух во Општина Илинден
- СООПШТЕНИЕ - Во рамки на активностите за следење и мониторирање на квалитетот на амбиенталниот воздух на територија на Општина Илинден, на пет локации поставени се посебни уреди за мерење на квалитетот на воздухот.
![Поставени мерачи за мерење на квалитетот на воздух во Општина Илинден](https://new.mia.mk/images/20240821141350_big_730x400_79.webp )
Скопје, 21 август 2024
Во рамки на активностите за следење и мониторирање на квалитетот на амбиенталниот воздух на територија на Општина Илинден, на пет локации поставени се посебни уреди за мерење на квалитетот на воздухот.
Мерните уреди се поставени на јавни општински установи во населените места Илинден, Марино, Кадино, Бунарџик и Миладиновци. Тие претставуваат посебни сензори кои детектираат промени на амбиенталниот воздух и преку апликацијата Breathe.mk, се овозможува пријавување на загаденоста на воздухот, поднесување на извештаи за степенот на загаденост на воздухот, со датум, време, локација во живо, ниво на загадувањето што може да се почувствува и др.
На овој начин секоја промена на воздухот ќе биде регистрирана и ќе се овозможи да се лоцира изворот на загаденоста на воздухот. Овој проект е реализиран во соработка помеѓу Општина Илинден и Здружението за заштита на животната средина ЗАЕДНО ЗА ПРОМЕНА Скопје.
Овој проект е согласно Стратешкиот план за развој на Општина Илинден и неговата реализација ќе овозможи да се следат параметрите на квалитетот на воздух во пресрет на престојната грејна сезона која загадувањето на воздухот е повеќекратно зголемено над дозволената граница и да превземе одредени мерки и активности.
Општина Илинден,
Одделение за поддршка на Градоначалникот
_______________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
Фото: Општина Илинден