Пожар во болница во Јоханесбург, евакуирани околу 700 пациенти
- Околу 700 пациенти беа евакуирани денеска од болница во Јоханесбург, каде избувна пожар во некои оддели.
![Пожар во болница во Јоханесбург, евакуирани околу 700 пациенти](https://new.mia.mk/images/20221107015754_big_730x400_11.webp )
Јоханесбург, 17 април 2021 (МИА) - Околу 700 пациенти беа евакуирани денеска од болница во Јоханесбург, каде избувна пожар во некои оддели.
- Засега нема извештаи за жртви или повредени, а пожарот е локализиран. Сепак, болницата ќе биде затворена неколку дена, изјави Дејвид Махура, премиер на јужноафриканската провинција Гаутенг.
Тој додаде дека околу 400 пациенти се веќе префрлени во други јавни болници, а останатите 270 пациенти ќе бидат преместени до крајот на денот. паг/