Техеран, 7 јули 2025 (МИА) – Петмина Курди, кои беа уапсени за време на протестите во 2022 година во Иран, денеска се осудени на смрт, а пресудата ја донесе Револуционерниот суд во градот Урмија, објави Курдистанската мрежа за човекови права (KHRN)

Според организацијата, Али Гасеми, Пеџман Солтани, Кавех Салехи, Резгар Бејкзаде Бабамири и Тифур Салими Бабамири беа уапсени за учество во демонстрации во градовите Букан и Банех за време на протестот „Жена, живот, слобода“, кој избувна по смртта на 22-годишна жена во полициски притвор.

Организацијата за човекови права наведува дека осум други лица поврзани со истиот случај се осудени на затворски и парични казни.

KHRN тврди дека пресудите се донесени исклучиво врз основа на извештаи од Министерството за разузнавање и признанија изнудени за време на притворот, без независни или поткрепувачки докази на судењето.

Организацијата наведува дека обвинетите биле приведени во април и мај 2023 година и биле сместени во притворската единица на разузнавачката служба во Урмија, каде што им била одбиена правна помош за време на поголемиот дел од постапката пред судењето.сд/

фото:ЕПА