Песочна бура на Канарските Острови, нарушен авионскиот сообраќај
- Голема песочна бура од Сахара ги погоди шпанските Канарски Острови, поради што е нарушен авионскиот сообраќај на таа популарна туристичка дестинација.
![Песочна бура на Канарските Острови, нарушен авионскиот сообраќај](https://new.mia.mk/images/20221102213203_big_730x400_38.webp )
Мадрид, 24 февруари 2020 (МИА) - Голема песочна бура од Сахара ги погоди шпанските Канарски Острови, поради што е нарушен авионскиот сообраќај на таа популарна туристичка дестинација.
Шпанскиот оператор на аеродромот „Аена“ вчера, поради слаба видливост, ги откажа или ги пренасочи сите летови за и од Канарските Острови.
Во текот на ноќта сообраќајот е нормализиран на сите аеродроми, освен во јужниот дел на Тенерифе.
Ветерот беше пречка и за траектниот сообраќај, јави Би-би-си.
Регионалната Влада во саботата прогласи вонредна состојба, а на жителите им беше советувано да останат во домовите, да затворат прозорци и да избегнуваат патувања.
Шпанската национална метеоролошка служба соопшти дека ветер со јачина од 120 километри на час на Канарските Острови може да се очекува и денеска. паг/
![канарски острови песочна бура](/articles/images/pesochna-bura-na-kanarskite-ostrovi-narushen-avionskiot-soobra-a/Q8N7pPBgx/placeholder.webp?use_watermark=0)