Торонто, 13 август 2022 (МИА) – Полуфиналистката на ВТА турнирот во Торонто, Џесика Пегула со респект зборуваше за најавата на Серна Вилијамс дека наскоро ќе стави крај на професионалното играње тенис. Таа се потсети на финалето во Оукленд против Вилијамс во 2020 година. - Играв со неа во финалето - малкумина можат да го кажат тоа. Тогаш таа, како и сега, се обиде да се врати на турнејата, и требаа натпревари. И тогаш ја освои првата титула со статус на мајка. Значи знам дека беше навистина посебен момент што го сподели со нејзината ќерка. Оттогаш се сретнавме само еднаш, а потоа не на натпревар, туку на тренинг. Знаете, јас само го чувствувам нејзиното присуство и внатрешна енергија. Ова дефинитивно се чувствува на другата половина од теренот. И тоа е она што ја прави различна од другите играчи. И веројатно е малку тажно да се види како се ближи крајот. Немам ништо да кажам. Мислам дека сè што направи зборува само по себе, изјави Пегула. Вечер од 19 часот, Американката Пегула во полуфиналето на турнирот во Торонто, Канада, ќе се соочи со Романката Симона Халеп. зс/