Пасторе е пред трансфер во Америка
- Фудбалерот од средниот ред на Рома, Хавиер Пасторе е близу до промена на клубот, објави италијанскиот новинар Николо Скира.
![Пасторе е пред трансфер во Америка](https://new.mia.mk/images/20221104021052_big_730x400_95.webp )
Рим, 27 јуни 2020 (МИА) – Фудбалерот од средниот ред на Рома, Хавиер Пасторе е близу до промена на клубот, објави италијанскиот новинар Николо Скира.
Според него, два клуба од американската МЛС се заинтересирани за 31-годишниот Аргентинец. Станува збор за Интер Мајами и Лос Анџелес галакси.
За потсетување, Пасторе веќе одби две профитабилни понуди од Кина. Рома за фудбалерот бара 10 милиони евра.
Во сезоната 2019/20, Пасторе настапи на 14 натпревари за „римската волчица“. зс/