Тетово, 16 октомври 2024 (МИА) - Општина Тетово преку соопштение денеска побара од граѓаните да не паркираат возила на земјената површина помеѓу мостовите на река Пена кај болницата и на булеварот „Видое Смилевски-Бато“ со најава дека од утре таму ќе се садат дрвја.

 Според фотографиите од местото, општинските служби уште денеска почнале со подигање на паркираните возила со пајак-служба.

-Апелираме до граѓаните, овој дел во иднина да не го користат како паркиралиште, за да се избегнат непријатни ситуации, во кои ќе треба да интервенира пајак-службата, соопшти Општина Тетово.

Општина Тетово најави дека утре ќе се потпише меморандум за соработка со Канцеларијата на Обединетите Нации за проектни услуги УНОПС (UNOPS) по што ќе следува активноста за садење дрвја на локацијата меѓу двата моста на реката Пена. ас/мд/

фото: Општина Тетово