Општина Крива Паланка ќе ангажира лица од социјален ризик за вршење јавни работи
Крива Паланка, 17 ноември 2022 (МИА) - Општина Крива Паланка отвори можност за времено ангажирање лица од социјално-загрозени семејства за вршење јавни работи во период од еден месец. Одуката е донесена од Советот на општината, како дополна на Програмата за социјална, здравствена и детска заштита за 2022 година.
Водедена е можност за ангажирање дваесет лица, корисници на загарантирана минимална помош, за спроведување јавни работи до крајот на годината.
-Програмата предвидува ангажман на десетина лица месечно, со што социјално-ранливите групи лица ќе можат да спроведуваат активности и работи од јавен интерес за граѓаните и заедницата, а истовремено, ќе ги подобрат семејните буџети. Ангажираните лица ќе спроведуваат: чистење улици и локални патишта, чистење на водотранспортни објекти, собирање паднати лисја на јавни и зелени површини, собирање отпад и чистење депонии, подигнување и одржување зелени површини, чистење снег од јавни површини и други слични јавни работи по потреба, информираат од општина Крива Паланка.
Периодот на ангажираните невработени лица, како што посочуваат од општината, ќе изнесува 22 работни дена, за што е предвиден месечен надомест од 11.000 денари, а за време на ангажирањето на корисниците, минимална парична помош нема да им се укине.
Заинтересираните лица можат да се информират и пријават во општината кај лицето назначено за јавни работи, а избор на пријавените кандидати ќе врши посебно назначена комисија. ид/дма/
