Скопје, 27 февруари 2025 (МИА) - Вкупните приходи на Буџетот на Општина Илинден за 2024 година се реализирани 100 проценти согласно планираниот Буџет, соопштуваат од локалната самоуправа. Вкупно 70 проценти од вкупните расходи, како што велат, се реализирани за изградба и реконструкција на капитални инвестиции.

Советот на Општина Илинден на 42 седница ја усвоил Завршната сметка на Буџетот на Општина Илинден за 2024 година, а бил презентиран и Извештајот за работењето на Општина Илинден во 2024 година. 

-Значително е да се истакне дека над 70 проценти од вкупните расходи на Буџетот на Општината се реализирани за изградба и реконструкција на капитални инвестиции во Општината, од кои најголемиот дел од нив се за изградба и реконструкција на инфраструктурни објекти, во здравствената заштита, изградба и реконструкција на патишта и улици, фекална канализација, изградба и купување на урбана опрема, сообраќајна, јавно осветлување, спорт и рекреација, образование, детската заштита и уште многу други области, стои во соопштението од Општина Илинден. ар/ац/

Фото: Општина Илинден