Објавена Шангајската листа, и годинава во првите илјада нема македонски универзитет
- На врвот на најновото рангирање на универзитетите во светот во 2023 година на Шангајската листа и натаму се универзитетите од САД Харвард, Стенфорд и Институтот за технологија Масачусетс (МИТ). На листата меѓу првите илјада универзитети во светот нема ниту еден од нашата држава.
![Објавена Шангајската листа, и годинава во првите илјада нема македонски универзитет](https://new.mia.mk/images/20230816131502_big_730x400_73.webp )
Скопје, 16 август 2023 (МИА) - На врвот на најновото рангирање на универзитетите во светот во 2023 година на Шангајската листа и натаму се универзитетите од САД Харвард, Стенфорд и Институтот за технологија Масачусетс (МИТ). На листата меѓу првите илјада универзитети во светот и годинава нема ниту еден од нашата држава.
На четврто место е Универзитет во Кембриџ во Обединето Кралство, на петтото место е Универзитет на Калифорнија во Беркли, а потоа следува „Принстон“ во САД. На седмото место е Универзитет во Оксфорд во Обединето Кралство, а осмото место е на „Колумбија“ во САД. Потоа следуваат Технолошки институт во Калифорнија, како и Универзитет во Чикаго.
Кај универзитетите во регионот, забележано е подобрување кај Универзитетот во Белград, кој од позиција меѓу 401 и 500, сега е меѓу 301 и 400.
Универзитетот во Загреб го задржа минатогодишното рангирање меѓу 401 и 500 место.
Универзитетот во Љубљана е меѓу 601 и 700, а на листата се најдоа и четири грчки универзитети. Освен нашата држава, на Шангајската листа нема ниту еден универзитет од Бугарија и Албанија. бт/aa/
Фото/ Принтскрин