Ерусалим, 6 ноември 2024 (МИА) - Израелскиот премиер Бенјамин Нетанјаху денеска го изрази своето задоволство од успехот на Доналд Трамп на претседателските избори во САД и му честиташе на републиканскиот кандидат за „најголемото враќање во историјата“.

„Вашето историско враќање во Белата куќа нуди нов почеток за Америка и моќна посветеност на големиот сојуз на Израел и Америка. Ова е огромна победа!“, порача израелскиот премиер во пораката до Трамп.

Според проекциите на агенцијата Асошиејтед прес и другите водечки медиуми, Трамп е на чекор до победата на претседателските избори во САД, откако обезбеди мнозинство гласови пред неговата ривалка, кандидатката на Демократската партија Камала Харис.сд/

фото: МИА архива