Тел Авив, 6 април 2026 (МИА)  - Израелскиот премиер Бенјамин Нетанјаху денеска објави дека лично му честитал на американскиот претседател Доналд Трамп за неговата смела одлука и совршено извршената американска мисија за спасување на соборениот американски пилот од непријателската територија Иран, нагласувајќи дека и Израел придонел во оваа операција.

„Претседателот Трамп ја изрази својата благодарност за помошта на Израел. Длабоко сум горд што нашата соработка надвор од бојното поле е без преседан и што Израел можеше да придонесе за спасувањето на храбар американски воин“, рече Нетанјаху во објава на мрежата Икс.

Во врска со соработката со Израел, Трамп синоќа изјави дека Израел им помогнал на САД во споменатата операција, но дека поголемиот дел од акцијата била американска.

„Израелците се добри партнери, храбри луѓе. Соработуваме како постар и помлад брат“, заклучи Трамп.сд/аб/

Фото:Иран прес