Нема загинати и повредени во сообраќајката на патот Струмица-Граничен премин Ново Село
- Нема загинати и повредени во сообраќајката на патот Струмица - Граничен премин Ново Село, а сообраќајот на овој патен правец е во прекин во двата правци од 18:30 часот.
![Нема загинати и повредени во сообраќајката на патот Струмица-Граничен премин Ново Село](https://new.mia.mk/images/20230616195349_big_730x400_6.webp )
Струмица, 16 јуни 2023 (МИА) - Нема загинати и повредени во сообраќајката на патот Струмица - Граничен премин Ново Село, а сообраќајот на овој патен правец е во прекин во двата правци од 18:30 часот.
Според информациите од портпаролката на СВР Струмица Александра Трајанова, во 18:20 часот во полицијата било пријавено дека се случила сообраќајна незгода пред влезот во село Ново Село од правец на Струмица, а во неа учествувале два автомобила.
-Според првичните информации причинета е само материјална штета кај двете возила, а полицијата врши увид на местото на незгодата, изјави Трајанова за МИА.
Според неа, се очекува сообраќајот наскоро да биде нормализиран.
Претходно АМСМ информираше дека од 18:30 часот на патот А4 Струмица - Ново Село, пред ГП-Ново Село, сообраќајот е во прекин во двата правци, поради случена сообраќајна незгода. рт/мд/
Фото: МИА архива