Струга, 17 август 2022 (МИА) - Во првиот денешен натпревар на Струшкиот ракометен турнир тимот на Алкалоид повторно беше совладан во последните секунди од Целје со 29:28(15:15). Екипите мечот го одиграа доста израмнети и се менуваа во водство, Целје успеа да слави со гол од пенал во последните моменти од средбата. Дајцата тренери Кирил Лазаров и Алем Тоскиќ беа исклучени пред крајот на првото полувреме. Во вториот натпревар словачкиот претставник Татран Прешов го совлада АЕК со 25:21(16:11).Натпреварот практично беше решен на десетина минути пред крајот кога словаците направија шест голови предност 24:18. Во последниот дуел вечерва се среќаваат Вардар и Бутел. сс/мч/