На Финалисима 2025 година ќе играат репрезентациите на Шпанија и Аргентина
- Во Финалисима 2025 година ќе се сретнат репрезентациите на Шпанија и Аргентина.
![На Финалисима 2025 година ќе играат репрезентациите на Шпанија и Аргентина](https://new.mia.mk/images/20240715122132_big_730x400_97.webp )
Мајами, 15 јули 2024 (МИА) - Во Финалисима 2025 година ќе се сретнат репрезентациите на Шпанија и Аргентина.
Финалисима е натпревар на кој се среќаваат победниците на последното Европско првенство и Копа Америка.
Актуелен и досега единствен носител на трофејот е репрезентацијата на Аргентина - во 2022 година избраниците на Лионел Скалони ја победија Италија (3:0).
Вчеравечер, репрезентацијата на Шпанија ја совлада Англија (2:1) во финалето на Евро 2024 година. Утринава, Аргентина ја совлада Колумбија (1:0) во решавачкиот натпревар на Копа Америка 2024 година. зс/
Фото: ЕПА