• петок, 05 декември 2025

Нацева: Започна изградбата на кружниот тек кон Кавадарци

Нацева: Започна изградбата на кружниот тек кон Кавадарци

Кавадарци, 30 октомври 2025 (МИА) - Започна изградбата на кружниот тек кон Кавадарци, информираше денеска на Фејсбук, секретарот во Општина Неготино, Марија Нацева, која е и кандидат за градоначалник. 

- Пред само неколку недели,  ветив дека токму овде ќе започне нова страница во сообраќајната инфраструктура на Неготино. Денес, машините се на терен и работата е во полн ек. Тоа е разликата кога некој не само што ветува, туку и испорачува. Како секретар на општината, направив увид на терен. Ова е дел од мојата програма за градоначалник, но уште поважно, дел од мојата посветеност кон секој од вас, сподели Нацева. 

Таа појасни дека проектот е со вкупна вредност од 9.265.257 денари, финансиран од проектот за поврзување на локални патишта од Светска банка, преку Министерство за транспорт. Општината кофинансирала 1.015.881 денари.

- На 2 ноември, ве повикувам да излезете и масовно да избереме помеѓу проекти и дела каде што зборот важи, сподели Нацева. свд/аа/

Фото : Фејсбук на Марија Нацева 

Можно е и ова да ти се допаѓа

Остани поврзан