Наскоро може да дојде до нова вулканска ерупција на Исланд
- Исландската метеоролошка служба Ведурстоф денеска предупреди дека веројатноста за нова ерупција на полуостровот Рејкјанес е зголемена и дека тоа би можело да се случи во следните две недели, па дури и за неколку дена.
![Наскоро може да дојде до нова вулканска ерупција на Исланд](https://new.mia.mk/images/20240202123552_big_730x400_28.webp )
Рејкјавик, 2 февруари 2024 (МИА) - Во Ислснд наскоро може да се случи нова вулканска ерупција, предупредија денеска исландските власти.
Исландската метеоролошка служба Ведурстоф денеска предупреди дека веројатноста за нова ерупција на полуостровот Рејкјанес е зголемена и дека тоа би можело да се случи во следните две недели, па дури и за неколку дена.
Таму во средината на јануари се случи жестока ерупција, каде за првпат по последниот речиси половина век, лавата уништи куќи.
Според метеоролошката служба, моделите базирани на ГПС-податоци покажале дека речиси 6,5 милиони кубни метри магма се акумулирале под областа Сварценги и дека магмата наскоро ќе го достигне истиот волумен како и во минатомесечната ерупција.
Значајна опасност му се заканува на градот Гриндавик, кој веќе беше евакуиран кон средината на јануари. сд/
фото:Х