Мишел шокиран од смртните случаи во полското село Пржеводов во близина на Украина
Брисел, 15 ноември 2022 (МИА) - Претседателот на Европскиот совет, Шарл Мишел е „шокиран“ од смртните случаи што се случија во полското село Пржеводов, што се наоѓа во непосредна близина на границата со Украина, по непотврдените информации дека два руски проектили залутале таму и погодиле фарма, јави ДПА.
„Шокиран сум од веста дека проектил или друга муниција убила луѓе на полска територија. Мое сочувство до семејствата“, напиша Мишел на Твитер. „Ние стоиме со Полска“, додаде.
Мишел напиша дека е во контакт со полските власти, членовите на Европскиот совет и другите сојузници на ЕУ.
@CharlesMichel
Се очекува полската Влада вечерва да понуди повеќе информации за сериозниот инцидент по кризниот состанок што се одржува во Варшава.
Локалната противпожарна бригада одговорна за Пжеводов за ДПА изјави дека две лица загинале во експлозија, но додаде дека се уште не ја знае точната причина за нивната смрт. сд/
Shocked by the news of a missile or other ammunition having killed people on Polish territory. My condolences to the families. We stand with Poland. I am in contact with Polish authorities, members of the European Council and other allies.
Ниту Варшава, Вашингтон, ниту седиштето на НАТО во Брисел не ги потврдија информациите.
Руското Министерство за одбрана соопшти дека не истрелало проектили во областа и ја отфрлило одговорноста
