Барселона, 24 декември 2024 (МИА) – Шпанскиот фудбалски прволигаш Џирона ќе се обиде да провлече нов напаѓач во јануарскиот преоден рок, откако тренерот Мичел не е задоволен од голгетерскиот ефект на Бојан Миовски и Абел Руиз, објави шпанскиот портал Естадиодепортиво.
Македонскиот репрезентативец Миовски сезонава постигна два гола во Ли Лига, додека шпанскиот напаѓач Руиз еден повеќе.
Обајцата беа ангажирани во Џирона во летниот преоден рок како замена за Украинецот Артем Добвик, кој минатата сезона постигна 24 голови за шпанскиот тим пред да потпише за Рома.
Шпанскиот медиум потсетува дека Добвик во овој момент од ланската сезона зад себе имаше осум голови, а два помалку неговата замена Кристијан Стуани.
Миовски ова лето за осум милиони евра се пресели во Џирона од шкотски Абердин каде на 77 натпревари постигна 32 голови. ег
ФОТО: Фејсбук