Мицкоски ќе присуствува на поставување камен-темелник за изградба на нов градски пазар во Неготино
- Премиерот Христијан Мицкоски денеска ќе присуствува на поставување на камен темелник на изградба на нов градски пазар во Општина Неготино, информираат од владината прес-служба.
![Мицкоски ќе присуствува на поставување камен-темелник за изградба на нов градски пазар во Неготино](https://new.mia.mk/images/20240821093856_big_730x400_16.webp )
Скопје, 21 август 2024 (МИА) - Премиерот Христијан Мицкоски денеска ќе присуствува на поставување камен-темелник на изградба на нов градски пазар во Општина Неготино, информира владината прес-служба.
Изградбата на нов градски пазар е на местото каде што е и локацијата на постоечкиот и подразбира нов, затворен, модерен и најсовремен градски пазар каде ќе бидат поставени нови и современи метални тезги.
Исто така, ќе биде обезбеден полесен и безбеден пристап до пазарот, со еден збор Општина Неготино ја остварува долгогодишната желба на своите граѓани кои конечно ќе добијат градски пазар по највисоки стандарди.
Вредноста на проектот е 25.913.899 денари обезбедени од буџетот на Општина Неготино, а предвидениот рок на завршување на изведбата е март 2025 година. сст/са/
фото МИА архива