Меркел: Авганистан може да стане жариште на тероризмот
- Авганистан може да стане жариште на тероризмот откако НАТО ги повлече своите војници од земјата, изјави германската канцеларка Ангела Меркел во Парламентот.
![Меркел: Авганистан може да стане жариште на тероризмот](https://new.mia.mk/images/20221108150133_big_730x400_49.webp )
Берлин, 25 август 2021 (МИА) - Авганистан може да стане жариште на тероризмот откако НАТО ги повлече своите војници од земјата, изјави германската канцеларка Ангела Меркел во Парламентот.
- Меѓународната заедница мора да одржува дијалог со талибанците доколку сака да ги заштити подобрувањата во Авганистан постигнати во изминатите две децении од распоредувањето на НАТО, рече германската канцеларка.
Напредокот во текот на годините вклучува пристап до основните добра - 70 отсто од Авганистанците веќе имаат пристап до вода за пиење, наспроти 20 отсто пред една деценија. Исто така, девет од десет луѓе имаат струја, наспроти само двајца од 10 во 2011 година.
- Фактот дека талибанците повторно се на власт е горлив, но ние мора да се справиме со тоа, рече Меркел.
Според неа, „многу работи во историјата бараат долго време“.
- Затоа, не смееме и нема да го заборавиме Авганистан. Дури и да не изгледа во овој горлив момент, останувам убедена дека ниту една сила или идеологија не може да одолее на потрагата по правда и мир, рече Меркел. паг/