Вашингтон, 11 април 2020 (МИА) – Најголемиот број од раководствата на тимовите од НБА лигата како и тренерите сметаат дека на кошаркарите ќе им треба најмалку еден месец за да стигнат до формата која ја имаа пред принудната пауза во првенството. Многумина стравуваат дека играчите нема да имаат толку многу време пред евентуалното продолжување на сезоната 2019/20. НБА ја прекина сезоната во март поради пандемијата на коронавирус. Кошаркарите немаат можност да работат во салите каде се одржуваа тренинзи. зс/