Куала Лумпур, 7 јануари 2020 (МИА) - Муслиманските земји треба да се обединат за да се заштитат од надворешни закани, изјави малезискиот премиер Махатхир Мохамед, кој убиството на иранскиот генерал Касем Сулејмани го нарече „аморално“. Најстариот премиер на светот исто така рече дека американскиот напад врз Сулејмани е против меѓународните закони. Махатхир (94) смета дека тоа дека тоа би можело да доведе до ескалација во она „што се нарекува тероризам“. - Вистинско време е муслиманските земји да се зближат. Веќе не сме сигурни. Ако некој навреди некого или каже нешто што некому не му се допаѓа, во ред е таа личност од друга земја да испрати дрон и можеби да пука кон мене, рече Махатхир. Во Малезија живеат околу 10.000 Иранци. паг/