Лондон, 31 октомври 2024 (МИА) - Тренерот на Челзи, Енцо Мареска се осврна на елиминацијата на тимот од англискиот Лига куп. 

„Сините“ од Лондон синоќа загубија од Њукасл со 2:0 во осминафиналето.

- По голот изгубивме контрола 10 минути, при што го примивме вториот гол. Потоа, во последните 10 минути од првото полувреме создадовме 2-3 добри шанси за гол, но, за жал, не ги реализиравме. Во вториот дел ја контролиравме играта. Знам дека главната работа е резултатот, но го загубивме натпреварот за 10 минути, а остатокот од времето игравме прилично добро, изјави Мареска за клупскиот сајт.

Противникот на Њукасл во четвртфиналето ќе биде одреден со жрепка. зс/

Фото: ЕПА