Скопје, 6 ноември 2025

Северна Македонија 🇲🇰 е единствената земја во Европа која сѐ уште нема биометриски лични карти (ID card), посочува во соопштението Кренар Лога, потпретседател на Алијансата за Албанците, кое МИА го објавува интегрално.

Овие документи лесно се фалсификуваат и можат да се злоупотребат, особено во изборните процеси (процесот на прислушувањето докажа такво нешто), со што се загрозува изборниот резултат, чесноста на процесот, но и безбедноста на државата, вклучително и на регионот (имајќи ја предвид слободата на движење на Западен Балкан со лични карти).

Доколку постои итност во земјата, тоа е трансформацијата на сите овие лични документи во биометриски.

Фото: МИА архива