Бејрут, 26 декември 2025 (МИА) - Либанската влада денеска одобри нацрт-закон со кој ќе се утврди обемот на загубите на банките во земјата за време на финансиската криза во 2019 година и ќе се обезбеди механизам за враќање на средствата изгубени во тој период.

Предлог-законот за финансискиот јаз треба да биде одобрен од парламентот, при што 13 министри гласаа „за“ и девет „против“.

За време на гласањето се одржа протест пред владата, а демонстрантите изразија скептицизам во врска со новиот предлог.

Предлог-законот е прв обид на либанската влада да ги врати средствата на граѓаните и бизнисите чии сметки беа замрзнати.

Либанскиот премиер Наваф Салам изјави дека откако ќе се донесе законот, помалите штедачи ќе бидат целосно обесштетени во текот на следните четири години, додека поголемите ќе бидат постепено исплатени, а остатокот ќе биде претворен во комерцијални хартии од вредност од околу 50 милијарди долари.

Нацрт-законот се однесува на мерките што Меѓународниот монетарен фонд (ММФ) ги бара од Либан со години, вклучувајќи јасни правила за репатријација на средства, реструктуирање на банкарските обврски и подобрување на транспарентноста. мс/

фото: Архива