Левица: 80 години АСНОМ - споменот на двата Илиндени живее
2 август 2024
Денес, пред Меморијалниот центар на АСНОМ во Пелинце, на 80 години од одржување на Антифашистичкото собрание на народното ослободување на Македонија, на кое беше конституирана и основана државата Македонија, делегација на #Левица составена од пратениците Борислав Крмов, Сашко Јанчев и членот на ЦК, Виторио Зафировски - положија свежо цвеќе во чест на македонските револуционери кои ги дадоа своите животи за создавање македонска држава и за слобода на македонскиот народ.
АСНОМ е круната на Народоослободителната борба во која македонскиот народ, следејќи ги илинденските борбените традиции од 1903, успеа да го оствари својот вековен сон за формирање на своја држава Македонија.
Споменот на двата Илиндена е жив кај македонскиот народ и тоа е водечкиот идеал на чиј основ македонскиот народ ќе си ја спаси и зачува Републиката.
АСНОМ ЖИВЕЕ! ДА НИ Е ВЕЧНА МАКЕДОНИЈА!
Политичка партија Левица
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
