Аман, 16 септември 2024 (МИА) - Јорданскиот крал Абдула Втори го назначи својот долгогодишен помошник, актуелен шеф на неговиот кабинет, за нов премиер на кралството, објавија американските медиуми.

Кралскиот двор соопшти дека кралот побарал од Џафар Хасан, поранешен министер за планирање, да формира нова влада.

Хасан е доктор по политички науки на Универзитетот во Женева и магистер по јавна администрација на Универзитетот Харвард. Тој ќе го замени актуелниот премиер Бишер ал-Хасауне, чиј кабинет поднесе оставка во неделата како резултат на парламентарните избори. Ал Хасауне ја извршуваше функцијата од октомври 2020 година.

Хасан сега мора да формира нов кабинет кој се соочува со голем број предизвици, вклучително и лошата економија и широкиот јавен гнев поради војната меѓу Израел и Хамас. Иако Јордан има мировен договор со Израел, земјата има големо палестинско население. На минатонеделните парламентарни избори, исламистичка партија се појави како најголема фракција, делумно поради гневот поради војната во Газа.

Во Јордан, кој е прозападна монархија, целата власт е во рацете на кралот. Премиерот и неговиот кабинет работат заедно со кралот во поставувањето и спроведувањето на политиките. мс/

фото: МИА архива