Будимпешта, 10 октомври 2024 (МИА) – Фудбалерот на француската репрезентација Ибрахима Конате истакна дека натпреварот од Лигата на нации против Израел нема да биде како другите поради ескалацијата на конфликтот на Блискиот Исток.

- Нема да кажеме дека овој натпревар ќе биде како секој друг. Всушност, ова е точно, но ние ќе играме фудбал. Не сме рамнодушни кон она што се случува во светот. Она што го гледаме на социјалните мрежи е одвратно. Немам зборови да го опишам ужасот што го гледаме, изјави Конате за „L’Equipe“.

Француската репрезентација вечер во Будимпешта ќе игра против Израел, а на 14 со Белгија. зс/

Фото: ЕПА