Ковачевски - Бенгтсон: Голема поддршка од Шведска за напредокот на Северна Македонија во евроинтеграциите
- Претседателот на Владата Димитар Ковачевски и амбасадорката на Шведска, Кристин Форсгрен Бенгтсон, на денешната средба по повод завршувањето на нејзиниот мандат во земјава го потврдија искрен
![Ковачевски - Бенгтсон: Голема поддршка од Шведска за напредокот на Северна Македонија во евроинтеграциите](https://new.mia.mk/images/20221113204959_big_730x400_61.webp )
Скопје, 26 август 2022 (МИА) - Претседателот на Владата Димитар Ковачевски и амбасадорката на Шведска, Кристин Форсгрен Бенгтсон, на денешната средба по повод завршувањето на нејзиниот мандат во земјава го потврдија искреното пријателство помеѓу двете држави и принципиелната соработка којашто се унапредува.
Како што се наведува во соопштението на владината Прес-служба, двајцата соговорници се согласија дека продолжува големата поддршка од Шведска за натамошен напредок на нашата држава во евроинтеграциите на Северна Македонија, по почетокот на преговорите, како и во реформите.
Премиерот Ковачевски, се додава во соопштението, се заблагодари на амбасадорката Бенгстон за поддршката од Шведска во сите демократски процеси во нашата држава, во реформските процеси значајни за граѓаните, како и на патот на евроинтеграциите.
На состанокот е разговарано и за активностите во рамки на предизвиците во енергетската област, како и за други актуелни прашања од значење за нашата држава, како и за државите од Европа и светот, стои во соопштението на владината Прес - служба. вг/сп/
![ковачевски - бернгстрон 2](/articles/images/%d0%ba%d0%be%d0%b2%d0%b0%d1%87%d0%b5%d0%b2%d1%81%d0%ba%d0%b8-%d0%b1%d0/XIPgUKIPD/placeholder.webp?use_watermark=0)
![ковачевски - бернгстрон](/articles/images/%d0%ba%d0%be%d0%b2%d0%b0%d1%87%d0%b5%d0%b2%d1%81%d0%ba%d0%b8-%d0%b1%d0/rbUz4R5lq/placeholder.webp?use_watermark=0)