КК „Баскет Кам“ со шест играчи влегува во младинските репрезентации
- Дури шест кошаркари на КК Баскет Кам влегоа во поширокиот состав на младинските кошаркарски репрезентации на Македонија. Како што информираа од тимот четири играчи родени од 2007 генерација о
![КК „Баскет Кам“ со шест играчи влегува во младинските репрезентации](https://new.mia.mk/images/20221104163237_big_730x400_39.webp )
Македонска Каменица, 1 август 2020 (МИА) - Дури шест кошаркари на КК Баскет Кам влегоа во поширокиот состав на младинските кошаркарски репрезентации на Македонија. Како што информираа од тимот четири играчи родени од 2007 генерација од 4 август 2020 година во СРЦ Кале-Скопје ќе ги започнат селективните тренинзи од втората фаза.
-Се работи за кошаркарите Матеј Митревски, Мартин Атанасов, Виктор Попов и Андеј Јованов кои ја продолжуваат традицијата на КК Баскет Кам за учество во националните бои на кошаркарската репрезентација, информираа од КК ,,Баскет Кам".
![](/articles/images/basket-kam-so-shest-kosharkari-vo-mladinskite-reprezentativni-sostavi/VAibw6zwN/placeholder.webp?use_watermark=0)
Во женска конкуренција Баскет Кам на поширокиот репрезентативен список во втората фаза влегува со две претставнички.
-Матеа Владимирова и Милена Зафировска заедно со врсничките од 2008 генерација ќе ги продолжат селективните тренинзи во СРЦ ,,Кале" во Скопје. Како и во машка конкуренција селективните тренинзи и тука започнуваат од 4 август 2020 година, додадоа од екипата.
Ова за стручниот штаб на тимот е уште еден голем успех на Баскет Кам кога станува збор за учество на поединци во младинските кошаркарски репрезентации на Македонија.
![Тренинг Баскет Кам (1)](/articles/images/kk-basket-kam-so-shest-igrachi-vleguva-vo-mladinskite-reprezentacii/THcxXyiXT/placeholder.webp?use_watermark=0)
Баскет Кам покрај овие успеси и настапите на голем број младински турнири во и надвор од државата, бележи и одлични настапи во Првата женска и во Втората машка кошаркарска репрезентација на Македонија. Екипата во женска конкуренција до прекинувањето на натпреварите поради Ковид-19 беше во активна борба за влез во Плеј Офф разигрувањата, а машката екипа беше со обезбедено 5-то место на табелата. вс/вг/