Каиро, 30 септември 2025 (МИА) – Заливската држава Катар смета дека е потребно да се разјаснат деталите и да се одржат дополнителни преговори околу планот за мир за појасот Газа, кој го предложи американскиот претседател Доналд Трамп, пренесе ДПА.

- Планот се уште е во почетна фаза и треба дополнително да се развие и објасни, изјави денеска катарскиот премиер Мохамед бин Абдурахман Ал Тани за Ал Џезира.

Тој посочи дека особено е потребно разјаснување во врска со механизмот за повлекување на израелските трупи од крајбрежната област.

Планот што го претстави Трамп бара „дискусија за деталите и како тие треба да се спроведат“, рече Ал Тани.

Иако главната цел е наведена како завршување на војната помеѓу Израел и палестинското исламистичко движење Хамас, тој истакна дека „се уште се потребни разјаснувања и дополнителни детали за кои се потребни преговори“. јт/

Фото: ДПА