Лос Анџелес, 24 јyни 2024 (МИА) - Видео со случајна средба на „стари пријатели“ е хит на интернет-просторот... Имено, Дени и Џон од САД не се беа виделе повеќе од 20 години, а повторно се сретнаа сосем случајно, кога Џон влезе во „Убер“ таксито на Дени.

На почетокот на видеоснимката на „Тикток“, возачот и корисникот на „Убер“ услугата имаат вообичаен, секојдневен разговор... Сѐ додека Џон не го праша таксистот: Како се викаш? Следува препознавање и она воодушевено поздравување меѓу двајца кои не се виделе над две десетлетија.

Инаку, Дени и Џон работеле во ист клуб во Далас, но изгубиле контакт на почетокот на овој век. Пријателите се присетиле на убавото минато и си ветиле дека повторно ќе се видат „на пијачка“. Видеото за само четири дена од објавувањето собра над 9,8 милиони прегледи, речиси два милиони допаѓања и 7.700 коментари. си/рп/

Фото: МИА архива

@danny.b106 When you’re driving Uber, pick up a passenger, and realize its an old friend you aint seen in 20+ years #uber #uberdriver ♬ original sound - danny.b106