Рим, 20 јуни 2021 (МИА) - Италијанската полициска служба, специјализирана за борба против шверц на наркотици соопшти дека запленила шест тони хашиш од јахта, која пловела под американско знаме. Тројцата членови на екипажот, идентификувани како државјани на Бугарија, се приведени и одведени во затвор во Палермо, јави Индепендент. Според полицијата, вредноста на дрогата на црниот пазар би изнесувала околу 13 милиони евра. јт/