Техеран, 4 јануари 2024 (МИА) - Корпусот на Исламската револуционерна гарда (ИРГЦ) и првиот потпретседател на земјата Мохамед Мохбер ветија денеска дека ќе се одмаздат за експлозиите во кои загинаа 84 лица (според последните податоци од Техеран) вчера во југоисточниот ирански град Керман. 

Експлозиите го потресоа градот на место во близина на гробот на влијателниот ирански генерал Касем Сулејмани за време на комеморативната церемонија на четвртата годишнина од неговата смрт. Шефот на силите Кудс на ИРГЦ за надворешни операции беше убиен во ирачкиот главен град Багдад по напад на американско беспилотно летало во 2020 година.

-Напаѓачите ќе добијат многу силен одмазднички удар од рацете на воините на Сулејмани, изјави Мохбер пред претставниците на медиумите во болницата каде што се згрижени некои од ранетите. Експлозиите во Керман беа опишани како најкрвавиот напад врз Иран од Исламската револуција во 1979 година.

Засега никој не презеде одговорност за експлозиите, а мотивот останува нејасен. Висок претставник на администрацијата на американскиот претседател Џо Бајден, кој сакаше да остане анонимен, рече дека нападите се чини дека се „терористички напад“ од типот извршен во минатото од милитанти на радикалното движење Исламска држава.

Иранските државни медиуми јавија за пукање денеска во Керман, без да наведат детали.

Во соопштението, Корпусот на гардата на Исламската револуција го опиша вчерашниот напад како гаден чин „со цел да се создаде несигурност и да се бара одмазда за длабоката љубов и посветеност на нацијата кон Исламската Република“. КГИР забележува дека по експлозиите „само ја зајакна нивната определба за бескомпромисно и правично казнување на сторителите“.

Иранскиот претседател Ебрахим Раиси го осуди нападот како „шокантно, нехумано злосторство“, а врховниот водач Али Хамнеи вети „остар одговор“. Тој го држеше портретот на генералот Касем Сулејмани за време на неговиот говор на сесијата на Генералното собрание на Обединетите нации на 21 септември 2022 година. 

Официјални лица на иранската Црвена полумесечина им пружија прва помош на повредените во толпата на церемонијата на која присуствуваа стотици Иранци. мс/

фото: МИА архива