Куманово, 26 јули 2023 (МИА) - Здружение за промоција и развој на инклузивното општество „Инклузива“ од Куманово одржа две обуки за лицата со попреченост за активно и успешно политичко учество и лидерство, еднакво учество во донесување на одлуки на државно и локално ниво, соопштија денеска од „Инклузива“. По две обуки се одржаа во Куманово и Тетово и опфатија лица кои се слепи и лица кои се глуви лица,а втората обука ги опфати лицата со телесна и со интелектуална и попреченост.

- Тие самите ќе проценат дали нивните капацитети се доволно зајакнати да се вклучат во политиката. После политичките процеси во партиите, ги обучуваме и за активно политичко учество и во граѓанскиот сектор, тука се креирање на политики на граѓански организации, во учество во носење одлуки на локално и национално ниво, кога се подготвува гласање, стратегии, да бидат активни да учествуваат и да придонесат за оваа категорија луѓе, изјави Благица Димитровска од „Инклузива“.

Од здружението велат дека на обуките учествуваат млади луѓе што посебно ги радува како здружение. Во декември, годинава предвидена е и посета на Собранието, структурите, предвидени се и дебати со политичките партии и со локалните власти.

- Ние сакаме што поголема бројка на лица да има и затоа држиме обуки да ги мотивираме, да им ги објасниме демократските процеси кои треба да се спроведуваат во земјава. Ако станат политичари, треба да ги практикуваат и да не заборават дека и тие се луѓе и дека треба да работат во интерес на сите граѓани со посебен акцент за граѓаните со попреченост, изјави Димитровска. ам/ир

Фото: МИА