Гостивар, 20 август 2022 (МИА) - Актуелниот градоначалник, Медат Куртовски, кој на овие избори ќе бара уште еден мандат од сограѓаните очекува на овие избори да се постигне доволен број на излезснот на гласачите и да се избере првиот човек на општината. - Јас го искористив своето демократско право и гласав. Изборниот процес се одвива непречено досега и јас очекувам мирен и демократски ден на кој ќе се постигне цензус и ќе биде избран градоначалник на нашата општина, изјави Куртовски за МИА, по гласањето во родното Скудриње. згм/фф/