Израелската Влада претстави план за реформи на Врховниот суд
- Израелскиот министер за правда Јарив Левин, во новата Влада на премиерот Бенјамин Нетанјаху, денеска претстави план за реформирање на Врховниот суд
![Израелската Влада претстави план за реформи на Врховниот суд](https://new.mia.mk/images/20230104213557_big_730x400_84.webp )
Тел Авив, 4 јануари 2023 (МИА) – Израелскиот министер за правда Јарив Левин, во новата Влада на премиерот Бенјамин Нетанјаху, денеска претстави план за реформирање на Врховниот суд.
Со реформите предвидено е и формирање нова комисија за ревизија на номинацијата на судии, како и ингеренции на Парламентот да може да поништи судските одлуки.
Планот за реформирање на Врховниот суд веќе предизвика жестоки критики од израелскиот државен обвинител и израелската опозиција.
Националистичко-религискиот блок партии на Нетанјаху освои мнозинство во Кнесетот на изборите на 1 ноември. ми/