Зверев: Третманот на повредената нога започна
- Германскиот тенисер Александар Зверев преку социјалните мрежи проговори за неговата состојба по повредата добиена во полуфиналето на Ролан Гарос против Рафаел Надал.
![Зверев: Третманот на повредената нога започна](https://new.mia.mk/images/20221113151715_big_730x400_95.webp )
Берлин, 6 јуни 2022 (МИА) - Германскиот тенисер Александар Зверев преку социјалните мрежи проговори за неговата состојба по повредата добиена во полуфиналето на Ролан Гарос против Рафаел Надал.
- Третманот започна, напиша Германецот под сликата, на која се гледа неговата нога фиксирана во протеза.
Да потсетиме дека во вториот сет од средбата со Надал при резултат 6:5 во негова корист, Зверев доби тешка повреда на скочниот зглоб, поради која не можеше да го продолжи мечот. Тој прво го напушти теренот во инвалидска количка, а потоа се врати со патерици за да му каже на судијата дека предвреме го завршува мечот.
Зверев има оштетени лигаменти на скочниот зглоб на десната нога. зс/
![зверев повреда](/articles/images/%d0%b7%d0%b2%d0%b5%d1%80%d0%b5%d0%b2-%d1%82%d1%80%d0%b5%d1%82%d0%bc%d0/i563aGOaL/placeholder.webp?use_watermark=0)
![зверев повреда ЕПА](/articles/images/%d0%b7%d0%b2%d0%b5%d1%80%d0%b5%d0%b2-%d1%82%d1%80%d0%b5%d1%82%d0%bc%d0/qsVpQY8bu/placeholder.webp?use_watermark=0)