За 10 години прометот на ИКЕА во Хрватска надмина милијарда евра
- За десет години работење ИКЕА Загреб била домаќин на речиси 18 милиони посетители, а вкупниот промет остварен во тој период надмина милијарда евра, објави компанијата.
![За 10 години прометот на ИКЕА во Хрватска надмина милијарда евра](https://new.mia.mk/images/20240821101722_big_730x400_41.webp )
Загреб, 21 август 2024 (МИА) - За десет години работење ИКЕА Загреб била домаќин на речиси 18 милиони посетители, а вкупниот промет остварен во тој период надмина милијарда евра, објави компанијата.
Во првата година од работењето во Хрватска, прометот на компанијата изнесуваше нешто повеќе од 70 милиони евра, додека во деловната 2023 година достигна 150 милиони, се вели во соопштението за печатот по повод 10 години од отворањето на ИКЕА Загреб.
Во последниве години, ИКЕА ги прошири своите операции во Хрватска, отворајќи шест центри за испорака на ИКЕА во Риека, Сплит, Осиек, Дубровник, Задар и Пула, а во 2021 година беше отворено и Планското студио ИКЕА во Сплит. мс/
фото: МИА архива