Енрике: Повредата на Рамос изгледа сериозна
- Тренерот на Пари Сен-Жермен, Луис Енрике се осврна на повредата на Гонсало Рамос добиена синоќа на натпреварот против Ле Авр (4:1) во првото коло од француската Лига 1.
![Енрике: Повредата на Рамос изгледа сериозна](https://new.mia.mk/images/20240817090312_big_730x400_95.webp )
Париз, 17 август 2024 (МИА) - Тренерот на Пари Сен-Жермен, Луис Енрике се осврна на повредата на Гонсало Рамос добиена синоќа на натпреварот против Ле Авр (4:1) во првото коло од француската Лига 1.
-Јас не сум лекар, но повредата изгледа сериозна. Тој се здоби со повреда на скочниот зглоб. Се надеваме дека ќе се врати на теренот што е можно поскоро, изјави Енрике за „RMC Sport“.
Дваесет и тригодишниот Португалец се појави во стартниот состав на ПСЖ, но поради повреда го напушти теренот во 20. минута. зс/
Фото: ЕПА