Мадрид, 31 октомври 2022 (МИА) – Фудбалерот на Барселона, Жерар Пике се најде во поширокиот состав на Шпанија за Светското првенство во 2022 година.  

Селекторот Луис Енрике го вклучи дефанзивецот во списокот од 55 играчи кои конкурираат за настап на Мундијалот воКатар. 

Според „Марка“,  на списокот е и „речиси секој играч на Барселона што може да биде повикан“, со исклучок на Серхи Роберто и Хектор Белерин.  

Забележано е дека Пике, како и Серхио Рамос, има мали шанси да влезе во конечната апликација од 25-26 луѓе, која ќе биде објавена на 11 ноември.  

Претходно беше објавено дека Шпанија не планира јавно да го објави проширениот состав. зс/