Битола, 14 септември 2025 (МИА) - Претпладнево во Битола се одржува Државното првенство во полумаратон на кое годинава учествуваат 20 атлетичари, а паралелно низ улиците во градот, над 1.700 рекреативци од 15 држави во светот, се вклучија во спортско-рекреативната манифестација „Трчај, бе“.

Патеките на атлетичарите и рекреативците од 21, 10 и 5 километри се на булеварот „1-ви Мај“, улица „Генерал Васко Карангелески“,  потоа улица „11-та Македонска Дивизија“, улица „Филип II Македонски“,  улиците „Батаљон Стив Наумов“,  „Прилепска“,  „4-ти Ноември“ и „Широк Сокак“, до стартот на трката кој воедно е и цел.

Денеска до 12:30 часот во Битола се одвива времен режим на сообраќај кој го регулира и координира СВР Битола, и во овој термин сообраќајот се одвива по алтернативни рути на градот. мт/зс/

Фото: МИА