Две владејачки словачки партии бараат оставка од премиерот поради вакцината Спутник
- Пoловина партии во владејачката словачка коалиција побараа од премиерот Игор Матовиќ да поднесе оставка по нарачките на руската вакцина „Спутник В“.
![Две владејачки словачки партии бараат оставка од премиерот поради вакцината Спутник](https://new.mia.mk/images/20221106135045_big_730x400_82.webp )
Братислава, 15 март (МИА) - Пoловина партии во владејачката словачка коалиција побараа од премиерот Игор Матовиќ да поднесе оставка по нарачките на руската вакцина „Спутник В“.
Лидерот за партијата Слобода и солидарност, Ричард Сулик рече дека неговата партија ќе ја напушти Владата доколку Матовиќ не се повлече и не назначи заменик за формирање нова влада со истата четиричлена десноцентристичка коалиција.
- Го повикуваме премиерот да поднесе оставка и подготвени сме да донесеме заклучоци и да ја напуштиме Владата доколку Матовиќ одбие да си замине, рече Сулик.
Тој го спомена партискиот колега на Матовиќ, министерот за финансии Едуард Хегер, како можна замена.
Другиот коалициски партнер, партијата За народот го повтори својот повик Матовиќ да се повлече.
Тензиите избувнаа кога Матовиќ, и покрај приговорите и без да ги извести партнерите, нарачал да се достави вакцината „Спутник В“, иако европскиот регулатор за лекови не ја одобри оваа вакцина.