Градоначалникот на Општина Илинден му додели плакета на Наце Петрушевски, борец од Илинден во НОБ
Скопје, 13 ноември 2024
По повод одбележувањето на 13 Ноември, 80 години од ослободувањето на Скопје, градоначалникот на Општина Илинден, Александар Георгиевски денеска го посети Наце Петрушевски од населено место Бучинци кој има 103 години и е единствениот жив борец од Илинден, кој учествувал во НОБ.
При посетата градоначалникот Георгиевски му врачи плакета на дедо Наце за особен придонес и учество во Народно ослободителната борба на Македонија.
Во посета кај Наце Петрушевски беше и Никола Ангеловски - Коле, најмлад курир учесник во НОБ, кои раскажуваа за нивниот животен пат и борба за слободна Македонија.
При нашата посета дедо Наце не почести со една убава македонска патриотска песна.
Општина Илинден
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
Фото: Општина Илинден
