Градоначалникот на Кисела Вода, Орце Ѓорѓиевски, се откажа од службен автомобил и средства за репрезентација
- Градоначалникот на општина Кисела Вода, Орце Ѓорѓиевски, нема да користи службен автомобил и се откажува од средствата за репрезентација, информираат од општината.
![Градоначалникот на Кисела Вода, Орце Ѓорѓиевски, се откажа од службен автомобил и средства за репрезентација](https://new.mia.mk/images/20221108212221_big_730x400_8.webp )
Скопје, 28 октомври 2021 (МИА) - Градоначалникот на општина Кисела Вода, Орце Ѓорѓиевски, нема да користи службен автомобил и се откажува од средствата за репрезентација, информираат од општината.
Како што пренесуваат, според најавата во предизборната кампања, ќе се води строга контрола на сите службени возила и нивната употреба ќе биде наменска, рационална и исклучиво во корист на граѓаните, а средствата од репрезентација ќе бидат пренаменети за реконструкција на образовни објекти и детски игралишта.
- Никој повеќе нема право да ги злоупотребува службените возила во приватни цели.
Од денес, клучевите на сите службени возила ќе бидат под строга контрола и ќе се користат исклучиво во корист на граѓаните, доста беше од бесцелно трошење на парите на граѓаните, изјавил градоначалникот, пренесуваат од општината. ар/лв/